Калтаса ужара
+18 °С
Пылан
Все новости
Новости
18 шорыкйол 2020, 12:50

Калтаса район администраций вуйлатыше мемнан район гыч кӱшыл тунемме заведенийлаште да колледжлаште тунемше студент-влак дене вашлийын

Мемнан районышто шочмо-кушмо верыш самырык кадр-влакым ӱжмӧ шотышто паша намиялтеш. Нунын кокла гыч иктыже – район администраций вуйлатыше Ю.М. Садыровын кӱшыл тунемме заведенийлаште тунемше студент-влак дене вашлиймаш.
Ик тыгай вашлиймаш 7 январьыште райрӱдӧ Культура пӧртыштӧ эртен. Мероприятийын тӱҥ пашаже – студент-влаклан район, тудын вияҥ толмыжо нерген каласкалымаш, нунын деке кылым муымаш, тыгак ончыкылык специалист-влак дене профориентаций пашам эртарымаш.
Ты пашам самырык-влак дене пашам ыштыме райкомитет да «Центр» клуб организоватленыт.
Вашлиймаште Калтаса район администраций вуйлатыше Юрий Садыров, самырык-влак дене пашам намийыше комитет вуйлатыше Э.Б. Мурсакаев, Культура пӧрт вуйлатыше А.С. Валеев лийыныт.
Студент-влак ончылно выступатлышыла Юрий Минзарипович районышто лийше ситуаций, тудын сеҥымашыже, могай проект-влакын пашам ыштымышт да ончыкылык план-влак нерген ойлен. Самырык еҥ-влакат нуным тургыжландарыше да интересоватлыше йодыш-влакым пуэденыт. Тыгак Калтаса район нерген фильмым ончыктеныт, а райрӱдӧ Культура пӧртын вуйлатышыже уэмдыме зданий дене экскурсийым эртарен.
Тыгай вашлиймаш-влак чӱчкыдын эртаралташ тӱҥалыт манын ӱшаныме шуэш.