Башкортостаныште шӧр кухня-влакым ышташ тӱҥалыныт

2020 ий 1 январь гыч нелашан да азам пукшышо ӱдырымаш-влаклан, тыгакеш гыч кум ияш марте ийготан икшыве-влаклан, нуно нужнан илыше категорийыш пурышаш улыт, БР «Шӧр кухня» ГАУ шӧр продукт-влакым пуаш тӱҥалеш.

Мемнан районыштат вашке шӧр кочкышым шалатыме пунктым почыт.

Шӧр продуктым налашлан келшыше договорым ыштыман. Тидлан райрӱдӧ аптекыш тыгай адрес дене мийыман: Калтаса села, Карл Маркс урем, 51, кеч-могай паша кечын.

Аптекым вуйлатыше Татьяна Маслова мыланна договорым ыштышашлан могай документ-влакым кондаш кӱлмӧ нерген ойлыш: – Республикыште ола ден районлаште шӧр продуктым шалатыме кудло утла пунктым почмо. Мут толмашеш, Нефтекамск олаште кок тыгай пункт уло. Вашке мемнан районыштат нелашан, азам пукшышо, тыгак икшыве-влаклан шӧр продуктым пуаш тӱҥалыт манын ӱшаныме шуэш. Продукт-влакым аралаш холодильный камера-влакым кондымо. Сандене чыла документ-влакым чумыраш да договорым ыштат кӱлеш.

Нелашан ӱдырамаш-влаклан тыгай документ-влакым погыман:

1. Врач-акушер гинеколог (фельдшер, акушерка) деч справке. Тудо диспансер учетышто шогышо, ӱдырамашым нелашан улмыжым текшырыме фактым пеҥгыдемдышаш, кум тылзым эртышаш огыл;

2. РФ гражданинын паспортшо – копий ден оригиналже;

3. Башкортостан Республикыште илымым пеҥгыдемдыше документ, документым пуымо годым 10 кечым эртышаш огыл;

4. Калыклан социаль полышым ончыктышо республике рӱдерын филиалжым нелашан ӱдырамашын нужнан илыше категорийыш пурымыжым пеҥгыдемдыше справке;

5. Услугым налше еҥын личностьшым да полномочийжым пеҥгыдемдыше документ (документ-влакым представитель пуа гын);

6. Кочкыш продуктым налашлан йодмаш (палемдыме формо дене).

Азам пукшышо ӱдырамаш-влаклан:

1. Врач-педиатр (фельдшер) деч азам пукшымо фактым пеҥгыдемдыше справке, тудо кум тылзым эртышаш огыл;

2. Паспортын копийже ден оригиналже;

3. Башкортостан Республикыште илымым пеҥгыдемдыше документ, документым пумымо годым 10 кечым эртышаш огыл;

4. Калыклан социаль полышым ончыктышо республике рӱдерын филиалжын нелашан ӱдырамашын нужнан илыше категорийыш пурымыжым пеҥгыдемдыше справке;

5. Услугым налше еҥын личностьшым да полномочийжым пеҥгыдемдыше документ (документ-влакым представитель пуа гын);

6. Кочкыш продуктым налашлан йодмаш (палемдыме формо дене).

3 ияш марте ийготан икшыве-влаклан:

1. Участковый врач-педиатр деч справке;

2. Аза шочмо нерген свидетельствын копийже ден оригиналже;

3. Башкортостан Республикыште илымым пеҥгыдемдыше документ, документым пумымо годым 10 кечым эртышаш огыл;

4. Калыклан социаль полышым ончыктышо республике рӱдерын филиалжын нелашан ӱдырамашын нужнан илыше категорийыш пурымыжым пеҥгыдемдыше справке;

5. Услугым налше еҥын личностьшым да полномочийжым пеҥгыдемдыше документ (документ-влакым представитель пуа гын);

6. Кочкыш продуктым налашлан йодмаш (палемдыме формо дене).

Ушештарена, шӧр кухня «Демографий» нацпроект почеш ышталтын.