Кучаш ялыште иктешлымаш погынымаш эртен

2019 ий 22 ноябрьыште погынышо-влак ончылно Савакмарий ялсовет вуйлатыше Ренат Мархамович Арсланов да райсоветын секретарьже Ирина Рифовна Кононова выступатленыт. Кузе нуно ойленыт, мемнан яллаште илыше еҥ-влак ты программыште чолган участвоватлат.

Пытартыш кум ийыште Торасола ялыште Набарежный да Киров уремлаште корныш тыгыде кӱм шарыме (1200 м кужыт), Торасола ялыш пурымо корныш асфальтым пыштыме, 2019 ийыште Савакмарий ялыште шӱгарлам печылыме шотышто олмыктымо пашам эртараш проектым ыштыме, тыште ты пашам 2020 ий 2-шо кварталыште эртарыме лиеш.

Ялыште лийше проблеме-влакым каҥашыме, тыште нунышт ятыр улыт – уремлаште корным тӱзатымаш, Кучаш ялыште кок шӱгарыште печым вашталташ, У ФАП-ым чоҥаш, тыгак ялысе библиотекым олмыкташ. Тыгеракын, ял калык каҥашен шӱгарлам тӱзаташ лийыныт да инициативный группым сайленыт.

Р.Ф. Хайбуллина.