Калтаса селасе «Сказка» йочасадыште корно правил почеш еш модмаш эртен

Ава кажне йочалан эн шерге да эн лишыл айдеме. Ават шке икшывыжым кертмыж семын чыла осал деч аралаш тырша, неле годым полша. Ме, туныктышо ден воспитатель-влак, ача ден ава-влак ПДД-ым шуктен толмо нерген шоналтышт манын, «Моя заботливая мама» еш модмашым эртарышна.

Мероприятийым кугырак группыш коштшо йоча-влак (вуйлатыше Олеся Сергеевна Валтиева) «Бибика» куштымаш дене почыч.

Умбакыже кок командылан конкурс программе ыле. Команде-влак ава да икшыве гыч шогеныт. Ик командыште изирак группын воспитательже Т.А. Соцкова, тудо Маша ӱдырын рольжым модын, тудым модмаш мучко икшыве-влак да ДПС инструктор (физкультура ден инструктор С.А. Раянова) почеламут да конкурс заданий-влак гоч светофор да корно движений правил, корно знак-влак дене палдареныт.

Команде-влаклан оҥай конкурс-влакым ямдылыме лийын – «Чья команда быстрее нарисует светофор», «Чья машина приедет быстрее». Тыгак оҥго гыч кӧ эн вашке светофорым пога, «Зебра», «Разбился дорожный знак» да «Осторожно дети» модмаш-влак оҥай лийыныт. Ава-влаклан «Посади ребенка в кресло», ременьым чын пижыктыме шотышто заданий-влак лийыныт. Мучаште ава ден йоча-шамыч светоотражающий вургемым чиеныт, а тидыже пычкемше годым моткоч кӱлешан. Модмаш годым ава ден йоча-влак чыла заданийым уло умылын шуктеныт. Мероприятий мучаште чыланат ПДД нерген памяткым налыныт.

Шке деч теве мом ешарынем – йоча урем законлан тунемеш, тендан деч, ава ден ача деч, примерым налеш. Тек тендан примерда эре сай лиеш.

Ава-влаклан мероприятийыште участвоватлымышлан кугу тау.

С. Раянова