Радий Хабиров: Владимир Путинын посланийже айдеме-влак нерген

Республике вигак Россий Президент Владимир Путинын Федераль Собранийлан Посланийсе положенийжым илышыш шыҥдараш тӱҥалшаш. Тидын нерген правительстве член да муниципалитет вуйлатыше-влак дене погынымаште ойлен Башкортостан вуйлатыше Радий Хабиров. Тудын мутшо почеш, кугыжаныш вуйлатышын Посланийыштыже арамлан огыл, мемнан эл калыкын илыш уровеньже деч элнан куатше рашемдалтеш манын каласыме.

Шкенжын сентябрь пунчалыштыже Радий Хабиров задачым шынден – 2024 ийлан мемнан республикысе калык чотым 4 млн 100 тӱжемыш шукташ. А ынде республикылан тыгай задачым шукташ куштылгырак лиеш, молан манаш гын, федераль рӱдер гыч тидлан оксам ойыраш тӱҥалыт.

3 гыч 7 ияш икшыван еш-влак, кӧ у пособийым налаш тӱҥалеш, регион вуйлатыше кызытак тидым налме шотышто пашам тӱҥалаш кӱлмӧ нерген каласен. Тудын мутшо почеш, властьын задачыже – калык тиде тӱлам вашке да жапыштыже налын кертше манын, МФЦ-влак (многофункциональный рӱдер) тидлан ямде лийшаш улыт, калык кӱлеш справкылан тышке да тушко куржталшаш огыл.

«2021 ийыште моткоч кӱлешан нормо – социальный контракт темым шыҥдарымаш. Ме тиде направлений дене пашам ыштена. Мемнан задачына, еш-влак оксам шке ыштен налын кертышт – тиде нунын ответственностьыштым кугемда», – палемден Радий Хабиров. Туныктышо-влакын квалификацийыштым кӱкшемдыме шотышто йодышым лончылашлан регион вуйлатыше профильный вице-премьер Фанур Ягофаров ден республикысе образованийым министрлан Башкирийысе образований вияҥме институтым реформироватлыме шотышто темлымашым ямдылаш йодын. БИРО аралалт кодшаш, тыгодымак кызытсе жапысе йодмашлан келшен толшаш. 1 сентябрь гыч туныктышо-влак класс вуйлатымылан у тӱлам налаш тӱҥалыт. Республикыште тиде окса кугыт региональ доплате дене пырля 7700 теҥге лиеш.

«Посланий тӱҥалтыше президент, чыла пунчалым лукмо годым калыкын шонымашыжым шотыш налман манын каласен. Мый эре муниципалитет вуйлатыше-влакым, кеч-могай пунчалым лукмо годым эн ончыч калык дене кутырыман, тудын шонымашыжым шотыш налман», – каласен Радий Хабиров.