Калтаса ужара
+29 °С
Пылан
Все новости
Новости
23 шорыкйол 2020, 22:30

Йўдлан коч да тӧрлане

Тупрўдӧ тургыжландарыме, вий пытыме годым 1,5 тылзе жапыште малаш вочмо деч ончыч улыжат кум емыж-саскам кочкаш кўлеш...

Тупрўдӧ тургыжландарыме, вий пытыме годым 1,5 тылзе жапыште малаш вочмо деч ончыч улыжат кум емыж-саскам – коштымо 5 курагам, 1 инжирым да 1 черносливым – кочкаш кўлеш. Нине фруктышто тупрўдӧ кокласе пушкыдо дискысе тканьым шотыш кондышо вещества уло. Тылеч посна тудо тканьым палынак пеҥгыдемда, да тупрўдӧ пўртўсын ойырымо верышкыже шкеак, мануальный терапевтын полшымыж деч поснат шинчеш.
ТИДЕ процедурлан кўлшӧ вещества посна саскаште уке, тудо курагам, инжирым да черносливым пырля кочмо дене веле лектеш. Темлыме рецепт дене тўҥ шотышто спортсмен-шамыч пайдаланат да тупрўдыштым кугу нагрузко деч вара шотыш кондат. Куштылгын да «тамлын» эмлалтме йӧн мыланнат пайдале.
Коштымо абрикос (курага, урюк) – пайдале вещества клат. Тудын калийлан поян да шўм чогашыллан пайдале улмыжым науко шукертак пеҥгыдемден. Тылеч посна абрикос эше онкологий чер деч сайын арала. Чудо семын аклаш лийме саскаште фосфор, кўртньӧ, кальций, каротин, В5 витамин улыт.
Инжир – рак деч аралыше, щитовидный тун пашажым шотыш кондышо чапле саска. Тылеч посна тудо шоло гыч паразитым лукташ полша, калык медициныште бронхитым эмлаш кучылталтеш.
Чернослив – пўртўсын айдеме тазалыклан пӧлекше. Тудо поснак пагар-шолора корнылан пайдале. Чернослив настой запор деч утлаш полша, кочкышым шулыктарыме пашам нормыш конда. Тылеч посна шўм, верге чер, кугу давлений, ревматизм дене орланыше-влаклан пайдале.