Калтаса ужара
+17 °С
Пылан
Все новости
Новости
28 шорыкйол 2020, 20:30

Эртыше ийын районысо озанлык-влак 72 миллионат 409 тӱжем теҥгелан ялозанлык техникым налыныт

Пытартыш ийлаште районышто ялозанлык сату производитель-влак шке машина-трактор паркыштым да прицепан агрегат-влакым уэмдаш да налаш тӱҥалыныт.
Калтаса ИКЦ-ын инженер-консультантше Юрий Маникаев кузе палемда, у техникым ялозанлык предприятий да кугу фермер озанлык-влак веле огыл, тыгак изи ялозанлык сату производитель-влакат налыт. Эртыше ийын кресаньык-фермер озанлык-влак шке кӱлешлыкыштлан 25 млн. 587 тӱжем теҥгелан у техникым налыныт, ялозанлык предприятий-влак – 46 млн. 821 тӱжем теҥгелан.
Эртыше ийын «Восход» СХП гына 36 млн. 232 тӱжем теҥгелан у техникым налын. Тиде «Ростсельмаш» производствын кугу куатан колесан Бюлер тракторым, Камаз автомобильым, кургым погышо комбайным, органический ӱяҥдышым шалатыше техникым, скоростян комбинированный плугым, ӱдымӧ комплектым да тырма-влакым. Шыжым ме Юрий Маникаев дене Бюлер у тракторым пашаште, мландым кылмаш куралмаште ужна. Тыланда тудын пашам кузе ыштымыжым тыге умыландарен каласен кертам: кум Т-150 тракторым вашталта.
20 млн. 641 тӱжем теҥгелан КФО вуйлатыше Владислав Петрович Бикмурзин у техникым эртыше ийын налын. Чылаже 12 машина да прицепан оборудований: Т-150 трактор, МТЗ-893.2, Камаз автомобиль да тудын деке прицеп, «Томь» ӱдымӧ комплекс, Китайыште ыштен лукмо фронтольный самоходный погрузчик. Озанлык у технике гыч пелыжым «Семейные животноводческие фермы» программе дене кугыжаныш полшымо почеш налын.
«ИТС-Агро» ООО шке технике паркшым кумдаҥда. Эртыше ийын предприятий «Туман – 2м» самоходный опрыскивательым, Камаз автомобильым да автомобиль прицепым 9 млн. 416 тӱжем теҥгелан налыныт.
Василий Зайникаевын КФО-жо эртыше ийын у ныл техникылан ешаралтын. Тудо МТЗ– 82.1 тракторым, тудын деке прицепым, скоростян плугым да ГУМ-800 разбрасывательым налын.
Кургым погымо комбайн-влакым эртыше ийын фермер-влак Г. Биктимиров, В. Абдуллин вашталтеныт. Елена Яшкина шурным погымо комбайным налын, Н. Егоров – рулон дене пресс-подборщикым, О. Глухов – плуг да ворохым эрыктыше ОВС-25, «Новый путь» СХПК – шке фермыжлан кургылан смесительраздатчикым.
У технике-влак лизинг, кугыжаныш программе почеш да озанлыкын шке оксаж дене налылтыныт. Но тидын дене гына паша ок шого. Технике озанлыкым ончыко вияҥдаш налылтеш.