Калтаса ужара
+17 °С
Пылан
Все новости
Новости
4 Пургыж 2020, 21:40

Калтаса районышто регионышто вольык ончымым вияҥдыме шотышто зона семинар эртен

Семинарым республикысе ялозанлык министерстве эртарен. Тыште Альшей, Чишма, Кармаскале, Благовар, Дуван, Мелеуз, Бирск, Балтач районла гыч делегаций-влак участвоватленыт.
Семинарын теорий ужашыже районысо Культура пӧртыштӧ эртен. Фойе ден выставке залыште регионысо предприятий-влак шке экспозицийышт дене палдареныт. Тыште ялозанлык технике, ӱяҥдыш, курго нерген пален налаш лийын.
Шке сатуштым тыгак районысо ялозанлык производитель-влакат ончыктеныт, нунын коклаште Калтаса шӧрзаводат лийын.
Спикер-влакын выступленийышт деч ончыч участник-влаклан Торасоласе «Восход» СХК ден Качкинтурайысе «Победа» ООО ферме-влак нерген видеороликым ончыктеныт. Тудым Калтаса телевиденийын операторжо-влак сниматленыт.
Мероприятийын практике ужашыжым доклад дене БР Правительствын Премьер-министржын алмаштышыже – ялозанлык министр Ильшат Фазрахманов почын. Тудо отрасльын ончыкылык планже нерген ойлен. БР вуйлатыше Радий Хабировын «сентябрьысе пунчалже» дене келшышын, вич ий жапыште шӧрым лӱштен налмаш 735 тӱжем тонн гыч 1 млн. 200 тӱжем тонныш, шылым ыштен налмаш 400 тӱжем тонн гыч 500 тӱжем тонныш шуышаш. Шындыме цельыш шуашлан вольык чотым кугемдыман, у технологийым шымлыман да инвестор-влакым ӱжман. Регионышто тачысе кечылан шӧр ден шылым ыштен лукмаште икмыняр инвестпроектым илышыш шыҥдарен толылтеш. 2019 ийыште шӧрым шуко пуышо сай урлык ушкал-влакым ятыр налме – 10 тӱжем 800 вуй. Пытартыш икмыняр тылзыште кугу 9 вольык фермым пашашке колташ шонена. Кӱркам ончен куштымо шотышто пашам вораҥдарен колтымо (М. Гафури лӱмеш ончычсо БПК). Кодший идалык мучаште «Урал» кайыквусо фабрикыште инкубацийыш 400 тӱжем муным пыштыме, тений гын, кум миллион утла муным пышташ палемдалтеш. Тыге лийын, комплекс 30 тӱжем тонн кӱрка шылым ужален кертеш. Тыгак шке паша кӱкшытыштым «Башкирский бройлер» ден «Траворс» ГК кугемден толыт. Тыге кургылан да фуражлан йодмаш лиеш.
Семинарыште тыгак район администраций вуйлатыше Юрий Минзарипович Садыроват выступатлыш. Тудо участник-влаклан район, тудын экономический да социальный положенийже, ончыкылык перспективыже нерген каласкалыш.
Теорий ужашыштыже республикысе вольык озанлыкын вияҥмыже, тудын состоянийже, шӧр рынке нерген ойленыт. Доклад дене БР-се ялозанлык министрын алмаштышыже Ревнер Байтуллин, БР-се ветеринарий управленийын вуйлатышыже Азат Зинганшин, «Башкортостанысе шӧр ушемын вйлатышыже Ильдар Файзуллин, «Башкортостан Республикысе шыл ушемын» вуйлатышыже Виктор Фрейдин выступатленыт. Ялозанлык предприятий-влаклан льготный кредитований нерген «Россельхозбанк Башкирский региональный филиал» АО-н вуйлатышыже Роберт Биктимиров каласкалыш.
Семинарын практике ужашыже Торасоласе «Восход» СХК ден Качкинтурайысе «Победа» ООО-н ушкал фермылаштыже эртен.
Семинарын участникше-влак у комплексын объектше-влак дене палыме лийыныт, тӱҥ шотышто у, кызытсе жаплан келшен толшо, Ирландийыште ыштен лукмо шӧр блок-влакым онченыт. «Победа» ООО-н генеральный директоржо Рамзил Низаметдинов перспективе-влак нерген каласкален.
«Восход» СХК-те семинар участник-влак фермыште лийыныт, тыгак зерносклад ден автогаражыште. «Восход» СХК-ан пашаеҥже-влак уна-влаклан кеч-кунамыт да кеч-момат ончыкташ ямде улыт.