Шкет илыше илалше еҥ-влаклан пожарный извещательым тугок пуат

Башкортостан Республике вуйлатышын 2019 ий 26 сентябрьысе «Башкортостан Республикыште посна категорий граждан-влаклан социаль полышым ончыктымо ешартыш мера нерген» УГ-103 №-ан 2016 ий 1 июнь деч Башкортостан республике вуйлатышын пунчалышкыже вашталтышым пуртымо нерген» пунчал почеш 55 ияш да кугурак ийготан шкет илыше граждан-влак пожар извещательым тугок налын кертыт.

Пожар извещательым налашлан пожар шотышто профилактика рӱдерыш 8 (347) 218-16-30 номер дене 9.00 гыч 18.00 шагат марте йыҥгыртен йодмашым коден кертыда. Вара домовой (поквартирный) книга гыч выпискым але илыме вер гыч справкым налаш, тудо шкет илыме фактым пеҥгыдемдышаш, тыгак Башкортостан Республике противопожарный служба ГКУ адрес дене йодмашым возаш кӱлеш, лиеш.

Ушештарена, 2016 ий гыч Башкортостан Республикын чрезвычайный ситуаций шотышто кугыжаныш комитет шагал доходан да социально лӱдыкшӧ положенийыште улшо еш-влаклан республике бюджет гыч ойырымо окса дене пожар извещатель-влакым ситарыме пашам организоватлыме. 2018 ий гыч тушко «2018 ий 1 январь деч вара аза шочын гын, ешлан» категорий ешаралтын.

Пунчал дене келшышын, а тудым Башкортостан Республике вуйлатыше Радий Фаритович Хабиров пеҥгыдемден, республике бюджет гыч ойырымо окса дене еш-влаклан пожар извещатель-влакым вераҥдыме лиеш, 2024 ийлан тудо 200 тӱжемыш шуэш.

Тачысе кечылан республике бюджет гыч ойырымо окса дене 130 тӱжем пожар извещательым вераҥдыме. Нунылан кӧра 342 еҥын илышыжым утарен кодымо, нунын кокла гыч 134 икшыве.

Тылеч посна, республикыште илыше калык ты пожар извещатель-влакым шке илыме верыштышт вераҥден кертыт. Тудым противопожарный оборудований але электросату кевытлаште налаш лиеш. Акше 250 теҥге.

Шарныза, пожар извещатель-влак туткар деч аралаш полшат. Шкендан да лишыл шочшыда-влакым илышыштым арален кодыза.

Р. Ахиярова