Сценыште шаярат, а корнышто – уке

«Безопасная Дорога Детства» КВН-ын республике конкурсын полуфиналже эртен.

Сай кумыл, шыргыжмаш турнир мучко лийын. Турнир Николо–Березовка селаште эртен. Республике конкурсын полуфиналыштыже Дӧртыльӧ, Илиш, Калтаса, Краснокам, Татышле район да Агидель, Нефтекамск ола гыч команде-влак участвоватленыт.

Конкурсын муниципаль этапыштыже 1 №-ан Краснохолмский КШ (вуйлатыше Н.Л. Вострецова) сеҥен. Нуно ты турнирыште мемнан Калтаса районнан чапшым арален. ™дыр ден эрге-влак шуко шаяреныт, воштылтеныт, нунын выступленийыштым залыште шинчыше калык совым кырыме, жюрин балл-влакым шындыме дене аклалтын. Татышле да Краснокамск район-влакым ончыко колтен, мемнан командына кумшо верыш лектын.