Башкирийыште газет ден журнал-влаклан 2020 ийын кокымшо пелыжлан ончылгоч сералтме кампаний тӱҥалын

Россий почтын клиентше-влак кокымшо пелийлан 800 утла периодике изданийлан, тидын шотыштак «Калтаса ӱжара», «Калтасинская заря» газет-влакланат икымше пелийысе ак дене сералт кертыт. Подписчик-влаклан акций 1 февраль гыч тӱҥалын, тудо эше кок тылзе шуйна.

Тиде жапыште подпискым кеч-могай почто пӧлкаште ышташ лиеш, тыгак podpiska.pochta.ru сайтыште.

Тыгак 2500 изданийлан доставке шотышто скидке аралалт кодеш. Тиде спискым Россий Минкомсвязьын региональ печать СМИ шотышто Эксперт Советше ямдылен: Россий почтын шке каталогшо почеш 25%-лан ак ӱлышемдалтын, альтернативный подписке агенстве-влакын каталогышт почеш – 20%-лан.

Тиде спискыш Башкортостан Республикыште лектын шогышо чыла республиканский, оласе да районысо СМИ-влак пурат.