«Талукын туныктышыжо» 3 №-ан Краснохолмский КШ-ште пашам ышта

Шке профессийыштышт эн сай лӱмлан талантан вич туныктышо кучедалын: 2 №-ан Калтаса кыдалаш школын тӱҥалтыш класслам туныктышо Аксаева Надежда Сергеевна, 3 №-ан Краснохолмский КШ-ын туныктышо-логопед Нурисламова Гульнара Ахнафовна, Кӧтерем КШ-ын историй да обществознанийым туныктышо Банникова Татьяна Викторовна, Кугу Качак КШ-ын Россий калыкын духовно-нравственный культурын основыжым туныктышо Набиева Виолетта Маратовна, Павасола КШ-ын башкир йылмым туныктышо Коновалова Раушания Феоктистовна.

«Талукын туныктышыжо» лӱмлан конкурс эше январь тылзын тӱҥалын. Туныктышо заочный турым чыланат эртеныт. Тыште нуно шке интернет-ресурсыштым презентоватленыт, оҥай виш урокым да метод семинар-влакым эртареныт, эссем возеныт. Чыла вич конкурсант тӱрлӧ предметым туныкта, кажныштын тӱрлӧ образований да паша стажышт. Туге гынат нуным шке пашаштым да икшыве-влакым йӧратымышт иктыж ушен шога. «Талукын туныктышыжо – 2020» конкурсышто 3 №-ан Краснохолмский КШ-ын туныктышо-логопед Нурисламова Гульнара Ахнафовна сеҥен. Ты конкурс да тудын участницышт-влак нерген материалым «Калтаса ӱжара» газетнан шушаш номерыштыже лудын кертыда.