Февраль лумым конден

Икымше кече гычак февраль тылзе шкенжым ончыкташ тӱҥалын. Поран, мардеж, пургыж черет дене колтат гына. Корно ден коммуналь пашаеҥ-влак уремла ден корнылам лум деч эрыктен огыт шукто.

Районысо ЕДС-ке (единый диспетчер службо) кодшо арнян урем ден корнымлам лум деч эрыктыдыме шотышто 11 еҥ йыҥгыртен увертарен. Тӱҥ шотышто Братовщине, Кырпе, Актыган, Чомар, Каҥгыл ялла гыч йыҥгыртеныт. Нуно веле огыл, тыгак Краснохолмский ден Кӧтерем селалаштат, Сӧлеш ялыште урем-влакым лум деч эрыктыме лийын огыл.

Чыла пурышо сигнал шотышто корно ден коммуналь пашаеҥ-влак пеш вашке реагироватлаш тыршат. Но чылажымат жапыште эрыктен шукташ миен ок лек.