Калтасаште «Лыжня России – 2020» таҥасымаш эртен.

«Лыжня России – 2020» йӱлашкак пурышо всероссийский акций эртыме жапыште мемнан районыштат эртыше шуматкечын ече дене таҥасымаш эртен.

Спорт пайремыште, тудо Калтаса ДЮСШ-ан ече трассыштыже эртен, 110 утла ечызе участвоватлен. Старт тӱҥалме деч ончыч погынышо-влакым район администраций вуйлатыше Ю.М. Садыров саламлен. Юрий Минзарипович палемден, тыгай кугу таҥасымаш-влак калык коклаште спортым шаркалаш йӧным ыштат, таза илыш-койышым намияш кумылаҥдат. Район администраций вуйлатыше спорт мероприятийыште участвоватлыше-влаклан чылаланат таум каласен, поснак ветеран-влаклан, шке примерышт дене самырык-влакым кумылаҥдымыштлан.

Ече стартыште тӱрлӧ ийготан-влак участвоватленыт – 6 гыч 60 ияш марте. Кажне ийгот тӱшкалан шке дистанцийышт лийын – 1 гыч 5 километр марте. Тыгак тыланыше-влак тиде кечын ГТО нормымат сдаватленыт.

Игече йӱштӧ лийын гынат, ече дене таҥасымаш сайын эртен, чыла участник тышеч сай кумыл дене мӧҥгӧ каен.