Пеледышым ончышылан

Тудым эше нужгол поч маныт. Ойлат, пуйто тиде кушкыл пӧртысӧ осалым шкеж деке шупшеш, усталыклан кумылаҥда, еҥ-влак коклаште умылымашым шочыкта. Сансевьера тыгак пӧлемысе телевизор да компьтер излученийым пога.

Кушкыл ӱмылыштат, кечан верыштат, шокшыштат, левыштат сайын кушкеш. Пӧлемыште южын температурыжо 14 градус деч ӱлно гына ынже лий. Шокшышто сансевьераш вӱдым шукырак оптыман. Но утыждене вӱдыжгым кушкыл ок йӧрате. Шошым да кеҥежым тылзылан ик гана минерал ӱяҥдышым оптыман. Тушто азот шагал лийшаш, уке гын кушкылын вожшо шуяш тӱҥалеш.