Калтаса ужара
+20 °С
Пылан
Все новости
Новости
14 Пургыж 2020, 19:00

Пӧлекым ямдылена

14 февраль – Йӧратыше-влакын кечышт. Ты кечын чон гыч лекше шижмашда нерген ойлаш ида аптыране, ныжыл шомакла дене икте-весыдам утларак куандарыза, икте-весыланда сай шомакым чӱчкыдынрак пелештыза. Да, мутат уке, пӧлекым ыштыза.

Вуйым пудыратылаш йӧратыше-влаклан тӱрлӧ головоломкым, модышым пӧлеклаш лиеш (кроссвордым, Рубикын кубикшым, шахматым але шашкым). Кроссвордым шкеат шонен луктын кертыда. Мутлан, посна лаштыклаш тендан дене келдалтше йодыш-влакым возыза да конвертыш пыштыза. Тек тудо вашмутым кычалеш. Тыге кас оҥайын эрта, да эн сай жапдам шарналтеда.
Романтикым йӧратыше-влакым кафешке але кас уремыш ӱжын лукса. Вет тыгай свиданийыш чӱчкыдын кошташ ок логал. Мутлан, самырык годым коктын могай верыш вашлияш коштында. Вара кафешке пурыза.
Пашаште чот нойышо-влаклан канашышт иктаж-мом ямдылыза. Мутлан, массажым, маникюрым ышташ але бассейныш, спа-салоныш каяш сертификатым пӧлеклыза.