Пурыс нӧшмым росоталан кунам ўдаш?

Кече кужемеш, шошын лишеммыже, эркын гынат, садак шижалтеш. Ик сад-пакчазе кушкылым шокшемдыме теплицыште ончен кушташ нӧшмым ўденат шуктен гын, весе пакчасаска озымым кушташ ямдылалташ тўҥалеш веле. Пурыс нӧшмым росоталан ўдымӧ жап уэш толын шуо. Тидлан могай сортым ямдылыман да нӧшмым кунам ўдыман?

ЮЖО пакчазе кажне ийын эре ик эн ўшанле сортым, мутлан, «Сибирский князь», «Перец сладкий новосибирский», «Богатырь», «Викинг» сортым, ўда гын, эксперимент семын коклан молымат терга.

Умбакыже, вияҥме пагытшым шотыш налын, кажне тылзын ты сомылым шукташ лийме эн келшыше жапыште ўдыман.

Февральыште – 1, 2, 8 гыс 12, 15 да 24 числаште. Мартыште – 3, 4, 10 – 14, 17, 26. Апрельыште эн келшыше кече-влак – 2 – 4, 9, 13, 16, 25, майыште – 7 — 10, 14, 15. Июньышто пеш писын шушо сортын нєшмыжым 4, 5, 12 – 14, 18 числаште вигак мландыш ўдаш лиеш. Тений 3, 4 да 20 февральыште, 3,5, 31 мартыште ўдымӧ нӧшмӧ вучымо лектышым ок пу. Тыгак 5 апрельыште, 20, 29 да 30 майыште ўдымӧ нӧшмӧ деч сай озымым вучыман огыл. Тичмаш тылзе годым нимогай пакчасаска нӧшмым мландыш пыштыман огыл, арам веле лиеш!