Сандене Вадим Владимирович Тӧлдӧ ялысоветыш пурышо чыла яллаште граждан-влак дене погынымашым эртарен. Тушто ялысе старостам ойырен налыныт. Калык чолга еҥ-влакын лӱмыштым каласен. У Оръямучаш ял калык Юля Тосюковам старосталан ойырен налын, Тӧлдыштӧ – Владислав Николаевым, Кугу Тогыний ялыште – Геннадий Мингареевым, а Тошто Оръямучашыште – Валерий Ионовым, Васильевкыште – Сергей Видаевым. Ындыжым нуным ялсоветын сессийыштыже пеҥгыдемдаш да пайрем шӱлышыштӧ ял старостан удостоверенийжым кучыкташ кӱлеш.