Перкан лийже

Кӱлыт: 500 г ӱмбал, 150 г шекар пудро, 30 г желатин, 300 г «крекер» печене, 200 г шоколад, виноград, банан, мӧр.

Желатиным йӱштӧ вӱдыш пыштен лӧчыктарыза. Шекар пудро ден ӱмбалым сайын лугыза. Желатиным, изи тулышто ырыктен, ӱмбал дене варыза. «Крекер» печеньым тыгыдемден, ӱмбалан вартышыш пыштыза да сайын лугыза. Келгашан формыш пищевой пленкым шарыза да тушко терко гоч нӱжымӧ шоколадым, ӱмбакыже ӱмбал дене печене вартышым опталза, тыге кум пачаш ыштыза. Йӱштӧ верыш ик-кок шагатлан шындыза. Торт ӱмбаке желем шавалтыза, вара банан, виноград але мӧр дене шавалтыза. Йӱдлан холодильникыш шындыза.