Тазалык

Паладыме пӧлемышке пурымеке, шолагай шолашке, пурлагай пурлашке ончалеш, маныт.

Мӱшкырыштӧ кийыше але шочаш тӱҥалше азан вуйдорыкшым эмгатымылан кӧра айдеме шолагай шочеш, манеш шанчызе Маккатчен. Шуко эмлызе «эмгатымым» мӱшкырыштӧ кийыше азалан кислород ситыдыме дене умылтара.

Жап ончыч шочшо аза-влак коклаште шолагай шуко.

40 ияш ӱдырамаш-влак кокла гыч кумшо ужашыже шолагай азам ышта.

Шолагай-влак тӱҥ шотышто алгебра дене виян улыт. Шолагайын вуйдорыкшо абстрактный умылымашым сайынрак да писынрак иктешла. Пурлагай тӱрыс пурлагай гын, шолагай тӱрыс шолагай лийын ок керт, маныт шымлызе-влак.

Йыгыр пелаш-влак коклаште шолагай чӱчкыдынрак вашлиялтеш. Тидыже ава мӱшкырыштӧ вер да кислород ситыдымылан кӧра лиеш, маныт.

Аутизм дене орланыше 65 процент еҥ – шолагай.

Пурлагай шолагай деч кокла шот дене 9 ийлан шукырак ила.

Шолагайын шоягоремысе ӱпшӧ шагат умдо ваштареш кушкеш гын, пурлагайын – шагат умдо почеш.