Все новости
Новости
24 Пургыж 2020, 12:35

Йошкарушмен салат

Шошо велеш ала-мом тугайым кочмо шуэш!.. А мом – шукыж годым шкат от пале. Тыгай годым пӧртйымак пуро, кок-кум йошкарушменым лукт да пашалан пиж веле…

2 стакан кугу рожан теркеш нӱжымӧ шолтымо йошкарушменлан – 2 кугу пане нӱжымӧ крен, 2 кугу пане шекар, 1 изи пане шӧнчал, 2 изи пане 9 процентан уксус, 2 кугу пане нӧшмӱй.
Чыла компонентым пырля варыман да холодильникыш кок шагатлан шындыман. Шеоралге-кочалге таман йошкарушмен салат «ала-мом кочмем шуэш» манме кумылым тыманмеш шукта.