Кочкыш эмла

Российысе диетолог-влак шотлен луктыныт: идалык мучко, арняш кеч ик гана, шылым поҥго дене алмашташ гын 2,5 килограммлан каҥгешташ лиеш. Вет тыге коя шылым идалыкыште 3 килограммлан шагалрак кочкыда. Сӧсна шыл дене таҥастарымаште, поҥго кочмо шумым вашке луштара. Тудо шуко еҥын организмыштыже ситыдыме D витаминлан поян. Тыгак селен шуко, а холестерин йӧршын уке. Ты кочкышышто нерв системым пеҥгыдемден лыпландарыше вещества уло.

Пайдале гынат, поҥгым арняш ик гана деч шуко кочкаш огыт темле. Тудат шыл гаяк пагарыште писынжак огеш шулыктаралт. Арам огыл врач-влак таза еҥлан иканаште 100 г шӧнчалтыме але свежа поҥгым 200 г деч шуко кочкаш огыт темле. Вет тудо неле кочкышлан шотлалтеш. Белок, селен да D витамин организмыште сайын шулыктаралтше да пайдам кондыжо манын, кеч-могай поҥгым тыгыдан п¢чкедыман, кужун шолтыман. Уке гын, кочкышысо пайдале вещества, шоло гоч эртен, арам лийын кертеш.