Краснохолмский селаште горнолыжный костюм-влакым ужалыше полиций пашаеҥлан взяткым пуаш тӧчен

Полиций пашаеҥ-влак «В сфере интеллектуальной собственности» оперативно-профилактический мероприятий мийыме годым Краснохолмский селасе ик кевытыште пӧръеҥ да ӱдырамаш-влаклан закондымын ургымо «Columbia» товар знакан горнолыжный костюм-влакым ужалыме фактым пален налыныт.

Текшырыме годым сатучо-влакын ты сатум ужалаш разрешенийышт лийын огыл. Правам аралыше орган-влак чылаже 16 горнолыжный костюмым поген налыныт.

Вара 31 ияш сатучо, административно мутым кучаш огыл манын, полиций пашаеҥ-влаклан 5000 теҥге взяткым пуаш тыршен. Кызыт текшырыме паша мия, уголовный пашам тарватыме нерген йодыш решатлалтеш.

Р. Мамалимов.