Виктор Ванюшкин пырля вашлияш ӱжеш

А могай пайремым палемдаш ӱжеш!? 28 феральыште тудо шке юбилейжым палемдаш тӱҥалеш. Чын, «Сударушка» калык муро ансамбльын вуйлатышыже Виктор Ванюшкинлан 55 ий темеш. Шке юбилейжым тудо Калтаса селасе райрӱдӧ Культура пӧртын сценыштыже вашлиеш. Да тиде тугак лийшаш. Вед тудо шке илышыжым лач сценылан пӧлеклен.

Ты талантан айдеме нерген шуко возаш лиеш. Тудым, мурыжым, куштымашыжым йӧратат. Тиде кумдан палыме айдеме, талантан вуйлатыше улеш. Арамлан огыл калык ансамбль лӱмым пуат. Тудым изижат, кугужат районышто чыланат палат. Самырык-влак Виктор Ванюшкиным Йӱштӧ Кугыза семын сай палат.

Изарнян, 28 февральыште, тендам муро, куштымаш да тиде мероприятийын тӱҥ унаже – Виктор Ванюшкин вуча. Весела, поро, творческий, талантан айдеме мурынеже, куштынеже да шке куанже дене тендан дене пайлалтнеже. Айста паша арня мучаште тудын дене пырля каналтена, мурена, куштена.

Тыгеракын, концерт 28 февральыште Калтаса селасе райрӱдӧ Культура пӧртын сценыштыже 19 шагатеш тӱҥалеш.