Калтаса селаште депутат-влак вуйлатышын отчетшым колыштыныт

Муниципаль район Советын черетан 31-ше каҥашымаштыже 12 йодышым ончымо.

Ик эн тӱҥ йодыш – район администрацийын 2019 ийысе паша результатше нерген отчет.

Тиде каҥашымаштак депутат-влак Россий МВД-ын Калтаса районысо пӧлкажын вуйлатышыже, полицийын подполковникше Эрнест Ляпустиным колыштыныт. Тудо муниципаль районышто правопорядкын состоянийже да оперативно-служебный пӧлкан пашаже нерген каласкален.

Чыла 12 йодыш почеш депутат-влак кӱлеш пунчалым луктыныт. Тидын нерген тичмаш материалым вес номерыште лудын кертыда.