Россий МВД-ын Калтаса районысо пӧлкаже БР МВД-ын пӧлкаже-влак коклаште зона фестивальыште Гран-прим налын

Ик кече, 26 февральыште, полиций пашаеҥ-влак шке формыштым сценический костюмлан вашталтеныт: Калтаса селасе райрӱдӧ Культура пӧртыштӧ Башкортостан Республикын элкӧргӧ паша подразделенийын да орган-влакын пашаеҥыштын да нунын ешыштын самодеятельный художественный творчествын XXI-ше фестивальын зональный смотр-конкурсшо эртен. А тудо Кугу Ачамланде сарыште сеҥымашын 75-ше идалыкшылан лӱмдалтын лийын.

Тыште Россий МВД-ын Аскин, Балтач, Бурай, Калтаса, Краснокам, Мишкан да Татышле районласе пӧлка-влакын пашаеҥже-влак шке концерт номерыштым ончыктеныт. Эше тидым палемдаш кӱлеш, ий гыч ийыш элкӧргӧ паша пӧлка пашаеҥ-влакын творческий мастарлыкышт кушкеш, программе-влак оҥайрак да ояррак лийыт.

Кузе мурышто муралтеш, полиций пашаеҥ-влакын пашашт «лӱдыкшӧ да неле». Нуно общественный безопасностьым аралат, неле жапыште ик эн ончыч полшаш толыт. Ты задаче-влакым шукташ полиций пашаеҥ-влакын илышыштын кугу ужашышт эрта. Туге гынат нуно шке йӧратыме пашашт, тидын годым музыкаль творчестве нерген огыт мондо. Мураш да кушташ тӱҥалыт гын, тидымат профессионально ышташ тыршат.

Ты фестиваль нерген рашрак газетнан шушаш номерыштыже лудын кертыда.