Башкирийын вич олаже федераль грант окса дене тӱзаталтеш

Мелеуз, Янаул, Дӧртыльӧ, Агидель да Николо-Березовка федераль конкурсышто грантым налыныт. Грантын чумыр суммыжо – 400 млн теҥге.

2020 ийыште изи ола ден исторический поселенийым тӱзатыме эн сай проект конкурсыш 300 йодмаш пурен. 286-шо технический экспертизым эртен да конкурсышто участвоватлаш пурталтын. Тидын годым 11-же Башкортостан гыч лийын. Республике йодмаш шотышто ончылно лийын. Тидын нерген увертара «Башинформ» ИА.

2020 ийлан 80 проект-сеҥышым ойырен налме. Конкурсышто сеҥыше-влак федераль бюджет гыч 45 гыч 90 млн теҥге субсидийым налыт. Башкортостаныште сеҥыше-влакын грантын чумыр суммыжо – 400 млн теҥге. Нуно Башкортостанын ола ден селалаж-влакым вияҥдыме институт почеш ышталтыныт, а тудым БР-ын общественный пространствым вияҥдыме шотышто вуйлатыше советник Ольга Сарапулова курироватлен. Мелеузышто «Березовый тракт» проектым ыштыме лиеш – торгайыме да ремесленный олан исторический рӱдерым ыштымаш.

Янаулышто – «Северные ворота Башкортостана» общественный пространстве системын проектше (тудо вокзал да Елочный площадкым, торгайыме уремым, тудыжо пешеходный лиеш; кӱртньыгорно корно ӱмбалне пешеходный переход, тудо олан кок ужашыжым уша).

«Волны Агидели» проект олан рӱдерыштыже ончычсо школ участке ден ончычсо йочасад территорийыште общественный простанствым ышта. Агидельын опытшо «модельный лийын кертеш. Тыште чыла советский микрорайоным угыч колтымо лиеш, тыге шотлат проектын афторжо-влак.

Дӧртыльыштӧ «Новая энергия» исторический рӱдерым угыч ыштыме проект. Тичмаш оласе рӱдер, Ленин уремыште ужар променад исторический да кызытсе жапысе олам иктыш уша. «Зерно» площадке самырык чолгаеҥ-влаклан неформальный рӱдер лиеш.

Николо-Березовка рӱдерлан «Возвращение домой» исторический ансамбль проект ышталтын. Тудын почеш ончычсо йомдарыме йолешке да визуальный кылым, вӱд деке кайыме корным тӱзатымаш, туристический маршрутым формироватлыме. Тыгак села ден Нефтекамск ола коклаште велосипед маршрутым ыштыме лиеш.

«Башинформ» ИА.