Куан ден пайремым икшыве-влаклан пӧлекленыт

РДК-ште изи рыцарь-влакын турнирышт эртен. Пайремыш йоча да инвалид икшыве-влак ӱжылтыныт лийын. Чылаже 100 утла ӱдыр ден эрге погынен. Оҥай программым нунылан ямдылыме лийын. Эн чолга участник-влакым грамота-влак дене палемденыт.

– Ме поснак ойыртемалтше эрге-влакым ӱжна, – пайремыш толшо уна-влакым саламлышыжла каласыш район администраций вуйлатыше Юрий Садыров. – Ме нунылан вияҥаш чыла йӧнымат ыштышаш улына. Тидлан районышто икшыве-влакын талантыштым почаш чыла ышталтеш.

Район вуйлатыше кузе каласен, площадкыште эн тӱҥжӧ – мутланымаш. Йолташ-влак, пашам пырля ыштыме йолташ, ача-ава-влак дене кутырымаш. Тидлан мероприятийын организаторжо-влак чыла ыштеныт. ™дыр ден эрге-влакым шуко тӱрлӧ творческий площадке-влак вученыт. Кӧ дыр пластилин гыч пырысым нӧштылын ыштен, кӧ дыр ошма дене сӱретлен, кӧ дыр театр гыч курчак-влак дене палыме лийын, эстафетыште участвоватлен. Ик мут дене каласаш гын, икшыве-влак шкаланышт келшыше занятийым муыныт. Пайрем мучаште нуно Культура пӧртын залыштыже погыненыт. Тыште нуным мультипликационный фильм вучен.

Ӱдыр-влакат ӧрдыжеш кодын огытыл. Нунылан эрла, 4 мартыште, «Бал маленьких принцесс» эрта.