Чомар ялыште илыше калык ППМИ-те участвоватлаш лийын

Погынымаште нуно ялысе пӱсӧ йодыш-влакым каҥашеныт да ик йӱк дене пожар лӱдыкшыдымылык дене кылдалтше йодыш дене ППМИ-те участвоватлаш лийыныт.

Пожарный автомашинам налаш пеш шергын миен лектеш да эше тудлан документ-влакым оформитлаш жап шуко эрта. Сандене ял калык пожар ваштареш кучедалме специальный цистерным налаш кутырен келшен. Ял мучко вӱд шуко, Тыште Танып ден Калтасинка эҥер-влак йоген эртат. Вӱд дене прицепан цистерным уло мо дене шупшыкташ.

Чомар ял моло ялла, райрӱдӧ деч тораште верланен. Пожар лиеш гын, пожарный-влак йӱлен пытымашке гына толын шуын кертыт. Эше йырваш чодыра, а серласе олыкышто шудо, омыжа кушкыт.

Сандене пожар лӱдыкшыдымылыклан чомармыт кугу тӱткышым ойырат.