Матрушка воспаленийым, микробым пытараш, вӱрым чараш, кӧргӧ гыч тазылам кокырен лукташ полша, корштымым шагалемда, шекшым, шондым сайын луктеш, пӱ жалтара, шӱлымӧ корным тазаҥда. Ты эмлык кушкыл гыч ямдылыме настойым шоло чер, изи шопылыкан гастрит годым йӱыт. Матрушка, тумо шӱм, туарашудын вожшо дене ямдылыме настой дене логарым шӱалташ пайдале, кокшашке, удырыктышо чӱнчашке компрессым ышташ лиеш.