М. Карим тунемше-влакым кумылаҥден

Янаул олаште тунемше-влак коклаште эртыше «Жемчужины Башкортостана» республиканский конкурс-фестивальын зона этапше эртен.

Конкурсышто Янаул, Калтаса, Краснокам, Бурай районла да Нефтекамск ден Агидель олала гыч 7 творческий коллектив участвоватлен. Кажне коллектив шымлыме пашам ямдылен да тудын негызеш театр постановкым ончыктен.

Мемнан районын чапшым 2 №-ан Краснохолмский КШ-ын «Йэншишмэ» коллективше арален. Нуно «Мустай Карим – певец добра и мира» шымлыме пашам эртареныт да тудын «Радость нашего дома» повестше почеш инсценировкым ончыктеныт. Зона фестиваль-конкурсым иктешлымеке, «Йэншишмэ» коллектив, тудым Давлетова Лилия Фандусовна вуйлата, «Исполнительское мастерство» номинацийыште сеҥышыш лектын.