Калтаса фермерын инициативыж дене республике вуйлатыше келшен

Радий Хабиров Калтаса фермерын кресаньык-фермер озанлык производствым кугемдыме шотышто инициативыж дене келшен. 4 мартыште черетан «Инвестчасыште» кресаньык-фермер озанлык вуйлатыше Владислав Бикмурзин районышто кудалтен кодымо мланде-влакым обрабатыватлыме шотышто проектшым ончыктен.

Тиде озанлык районышто киндым куштымо да вольыкым ончымо шотышто ончылно улеш. Фермер ялозанлык техникым уэмдаш да 5 тӱжем гектар марте курал-ӱдымӧ мландым кугемдаш шона. Проектым илышыш шыҥдарашлан 168 миллион теҥге окса кӱлеш. Владислав Бикмурзинын мутшо почеш, районышто курал-ӱдыдымӧ мландым оформитлыме да оксам ойырымо шотышто паша намиялтеш.

Радий Хабиров предпринимательский проектым йӧплен.

«Республикылан, конешне, тендан гай верысе инвестор-влак моткоч кӱлыт, – палемден Радий Хабиров. – Могай мере-влак дене пайдаланаш лиеш, чыла кучылташ тыршыман. Адакат ик «Инвестчасыште» проект кузерак кайымыж нерген кутырен налаш кӱлеш».

«Башинформ» ИА.