Краснохолмский селаште Ӱярня гӱжлен

Мӧртньӧ да мелна дене холммытым ынде от ӧрыктаре. А теве йошкар, чалка, ужар тӱсан мелна дене эше ӧрыктараш лиеш. 2020 ийысе Ӱярня чыламат ӧрыктарен. Но чылажымат радам дене!

Эн ончыч шке пайрем ӱстелыштым Краснохолмский селасе эмлымвер, нуным Халиль Ахнафович вуйлатен, ончыктеныт. Мемнан медпашаеҥна-влак шке пашаштым гына огыл сай палат, тыгак сай озавате улыт.

А умбакыже – жюри член-влакын вуйышт тырташ тӱҥале: 1,2,3 №-ан Краснохолмский КШ, Киябак школ; «Теремок», «Золотой ключик», «Петушок», «Улыбка» йочасад-влак шке фантазийышт, талантышт да мелнашт дене ӧрыктареныт. «Шонанпыл» ДДТ-ын, йоча искусство школын ӱстелышт нергенат шуко ойлаш лиеш.

Национальный обществе-влакат шке калык кочкышыт дене куандарышт. Тений Ӱярням пеш весела башкир-татар общество ден руш-влакын соборышт вашлийыч.

А вара модмаш, аттракцион, воштылмаш-влак тӱҥальыч. «Нефтяник» СМФДК-ан артистше-влак (вуйлатыше-влак Татьяна Минилбаева, Ильшат Габидуллин, Анна Бутусова) муреныт, куштеныт, икманаш, чылам веселитленыт.

«Культурный минимум» проектын участникше-влак тиде 3 №-ан школын 2 «А», 2 «В», 1 «А», 1 «Б» класслаште тунемшыже-влак (вуйлатышышт библиотекарь Е. Кузнецова) руш калык модмаш, куштымаш дене палдареныт. «Лидер» ФОК-ын коллективше спорт таҥасымаш-влакым эртарен. Мемнан селаште патыр еҥ-влак ятырак улыт улмаш!

Финалыште – йӱлашкак пурышо чучелым йӱлатеныт, тудо телым ужатымашын символжо улеш. Акрет годсо чимарий йӱла почеш, йӱлен пытыше чучылын чонжо, сай кинде лектышым сула. Тений ӱярнян чучылыжым 3 №-ан Краснохолмский кыдалаш школ ямдылен.

Тыгерак холммыт телым ужатеныт да шошым вашлийыныт.

Е. Кузнецова.