Калтаса ужара
+17 °С
Пылан
Все новости
Новости
11 Ӱярня 2020, 23:27

Районысо ик школышто стоматологический кабинет почылтын

«Здоровая улыбка» программе почеш, а тудыжым «Взлетай» проект почеш Башкортостан Республике вуйлатыше Радий Хабиров темлен, 1 №-ан Калтаса кыдалаш школышто стоматологический кабинет почылтын. Школлан, тыгак чыла районлан ты кӱлешан событий шочмын, 2 мартыште, эртен.
Олмыктымо пашалан да кабинетыш оборудованийым налаш республике бюджет гыч 1 млн теҥгем да муниципаль бюджет гыч 50 утла тӱжем теҥгем кучылтмо.
Тачысе кечылан школышто 612 йоча тунемеш. Ындыжым нуно тунемме заведенийыштак шке пӱйыштым эмлен кертыт. Эше тидым палемдаш кӱлеш, кузе школ директор Н.Р. Кутлубаева каласыш, ончыкыжым тыште районысо моло школла гыч тунемше-влакат пӱйыштым эмлен кертыт.
Кабинетым почмашке район администраций вуйлатыше Ю.М. Садыров, социаль йодыш да кадр политике шотышто вуйлатышын алмаштышыже Е.А. Алексеева, вӱдышӧ стоматолог З.К. Тагиров да образований пӧлкан тӱҥ специалистше Я.Н. Пряхина ӱжылтыныт.
Ушештарена, «Здоровая улыбка» программе почеш республикысе школлаште 61 стоматологический кабинетым почмо.
Мемнан корр.