Этикет

Унала толмеке шкем кузе кучыман?

Унала кошташ шукын йӧратат. Оза да уна-шамычын тендан нерген сай шонымашыт кодшо манын, теве мом палыман:

Иктаж амаллан кӧра унала толын огыда керт гын, оза-влаклан ончылгоч увертарыза.

Йолташ дене толнеда гын, тидым ышташ лийме нерген оза-влак деч йодса.

Кутырен келшыме жаплан толаш тыршыза. Вараш кодын кертмыдам шижыда гын, йыҥгыртен увертарыза. Тыге те моло унам огыда вучыкто.

Уна-влак коклаште иктаж палыдыме еҥ уло гын, шке палыме лияш ида вашке, озан палдарымыжым вучалтыза.

Ӱстелтӧрыш шичме годым ида вашке.

Темлыме иктаж кочкышым огыда йӧрате гын, тидын нерген ида кычкырле. Ондак тауштыза. Мый тидым ом коч манын тыматлын пелештыза.

Ӱстел коклаште косметике дене пайдаланыме, трукышто кынел кайыме уда койышлан шотлалтеш.

Мӧҥгышкыда каяш тарваныме деч ончыч оза-влаклан тауштыза, шкендан деке унала ӱжса.

Чылашт деч ончыч кайыме але почеш кодмо тыгак уда койышлан шотлалтыт.

©1932 - 2024, Общественно- политическая газета Калтасинского района, учреждена Агенством по печати и средствам массовой информации Республики Башкортостан и ГУП РБ Издательский Дом "Республика Башкортостан"

Свидетельство о регистрации ПИ №ТУ02-01404 от 18 августа 2015 года. Главный редактор Акиев Виталий Аксяевич

Телефон

8(34779) 4-12-50

Электрон почто

[email protected]

Адрес

РБ, Калтасинский район, с.Калтасы, улица Пионерская, 7

Рекламе пӧлка

8(34779) 4-12-22

Редакций

8(34779) 4-12-44

Приемный

Пырля ыштымаш

8(34779) 4-11-95

Кадр пӧлка

8(34779) 4-12-22