«Точка» роста: у йӧн-влак

3-4 мартыште Белорецк районышто «Точка роста: новые возможности в современных реалиях» межрегиональный форум эртен.

Форумын пашаштыже Калтаса район гычат делегаций участвоватлен. Тудын составыштыже районысо образований пӧлка вуйлатыше Э.Р. Гарипова, «Точка роста» цифр да гуманитар профилян образований рӱдерын вуйлатышыже С.И. Миниханова, 1 №-ан Краснохолмский кыдалаш школын директоржо Э.Ф. Вильданова лийыныт.

Кок кече жапыште участник-влаклан проект сессий-влакым организоватлыме лийын. «Сетевое взаимодействие как стратегия развития содержания образования» теме-влак дене пашам ыштеныт, тыгак Абзаково селасе кыдалаш школышто практике-ориентировочный мероприятий-влак эртеныт. Школышто форумын участникше-влакым цифр образований рӱдерын паша опытшо дене палдареныт.