Могай эл гыч уна-влак Калтаса районыш толыт?

Тӱнямбал Фольклориада эртыме жапыште мемнан районыш могай элла гыч уна-влак толмо пале лийын. Ушештарена, тений кеҥежым Башкортостан Республикыште Тӱнямбал Фольклориада эрташ тӱҥалеш. Тидын годым мемнан республикыш чыла эл гыч фольклор коллектив-влак толыт.

Тиде пайрем деч мемнан районат ӧрдыжеш ок код. Тӱнямбал Фольклориада эртыме жапыште мемнан деке 8 коллектив, чылаже 300 утла еҥ, толеш. Теҥгече, оперативкыште, коллектив-влакын спискышт дене палыме ыштеныт.

Тиде – Грузий, Кот-Д-Ивуар, Пуэрто-Рико, Йӱдвел Македоний, Словений, Чили, Эстоний да Японий.