2020 ийысе ӱдымӧ компанийлан стартым пуымо

Мемнан районын делегацийже йӱдвел да йӱдвел-эрвелын чодыран-степян зоныштыжо шошо пасу пашам эртарыме шотышто агрономический конференцийыште участвоватлен

Йӱдвел да йӱдвел-эрвелын чодыран-степян зонышто шошо пасу пашам эртарыме шотышто агрономический конференций Аскин районышто эртен.Конференцийыште Башкортостан Республике ялозанлык министерствын специалистше ден вуйлатышыже, подведомстенный вуйлатыше, администраций вуйлатыше, тӱҥ агроном, БНИИС, БГАУ шанчыеҥ, ИКЦ, КФО вуйлатыше, йӱдвел да йӱдвел-эрвелын чодыран-степян зоныжын 19 районжо гыч ялозанлык предприятий ден фермер озанлыкын агрономжо, химизаций средства, ялозанлык технике-влакын поставщикше-влак участвоватленыт.

Практический ужаш тӱҥалме деч ончыч Аскин район муниципаль район администрацийын фоештыже ялозанлык выставке эртен. Тыште урлыкашым, минерал ӱяҥдышым, кушкыл-влакым аралыме средства-влакым ужалыше фирмын продукцийже дене палыме лийын кертыныт, тыгак информационный буклет-влакым шалатен лекме. Конференцийын практический ужашыштыже рапсым, а тудым «Олеокемикс» ООО ончен кушта, перерабатыватлыме ӱйэкстракционный заводым чоҥымо паша дене палыме лийыныт. Зональный агрономический конференцийын пленар ужашыже «Танып» санаторийыште миен.

Агрономический конференцийыште шушаш ӱдымӧ кампанийын пӱсӧ проблемыже-влакым каҥашеныт: шошо пасу пашам эртарашлан кугыжаныш полыш, техникын ямде улмыжо, ялозанлык производитель-влак, спутник технологий дене пайдаланыме техникын пашаже текшырымаш, ӱян культура-влакым ончен куштымо пашам кумдаҥден колтымо перспективе, биржыште торгайымаш, шурным йот эллашке ужалымаш, шекарушемным ончен куштымаш да авансироватлымаш. Йӱдвел да йӱдвел-эрвелын чодыран-степян зона шотышто статистикым эртарыме лийын – ӱян культура деч парышын ужашыже, ӱдымаш, налмаш, техникын рентабельностьшо, культурын элитный урлыкашыже-влак налмаш да мландыште ыштыме моло кӱлешан паша.

Ты мероприятийыште Калтаса район деч ялозанлык пӧлкан, ИКЦ-ын специалистше ден вуйлатышже-влак, тыгак КФО вуйлатыше В.П. Бикмурзин, В.Ф. Зайникаев, «Россельхозцентр» ВГБУ МРО Калтаса филиалын вуйлатышыже А.И. Искибаев лийыныт.

Зональный агрономический конференций нерген район семинарыште пален налын кертыда. Тудо «ИТС-Агро» ООО-што лишыл жапыште эрта.