Калтаса ужара
+18 °С
Пылан
Все новости
Новости
17 Ӱярня 2020, 23:00

«Педагог дошкольного образования – 2020» район конкурсын участникше-влакат лач тыге шотлат

Йоча-шамыч – илышын пеледышыже манын ойлат, а воспитатель-влак, нунылан шинчымаш негызым пуышо-влак – тиде пеледышым ончен куштышо «садовник-влак» улыт. «Садовник» мыняр сай профессионал улеш, тудын пеледышыже-влак тунар сай кушкыт.Кодшо арнян районысо Культура пӧртыштӧ воспитатель-влак погыненыт да профессийыште эн сай-влакым ойырен налыныт. Тений «Педагог дошкольного образования – 2020» конкурсышто 6 воспитатель да 1 туныктышо-логопед таҥасеныт: райрӱдысӧ йочасад-влакын чапыштым кум Надежда: Ахмедшина Надежда Анатольевна – «Солнышко» йочасад, Колотова Надежда Анатольевна – «Рябинушка» йочасад да Якупова Надежда Радиславовна – «Сказка» йочасад араленыт. Краснохолмский селасе йочасад-влакын чапыштым араленыт: Шурыгина Любовь Евгеньевна – «Теремок» йочасад, Хатмуллина Татьяна Александровна – «Улыбка» йочасад. Тыгак Шоръялысе «Ромашка» йочасад гыч Пашкина Виктория Валентиновна да Кӧтерем селасе «Василек» йочасад гыч Вахитова Алена Геннадьевна лийыныт.Кок заочный тур: шкеныштын интернет-ресурсым шонаш, самоанализ дене виш занятий-влак – нунылан ямдылалтмыштым, профессиональ мастарлыкыштым ончыктен. Районысо образований пӧлка вуйлатыше Э.Р. Гарипова деч поро тыланымашым налмеке, воспитатель-влакым финал испытаний вучен.Икымше – йӱлашкак пурышо визитный карточка. Тыште видеофильм, фотослайд, сцене миниатюрым, мурым, почеламут-влакым кучылтын участнице-влак шкешт, пашашт нерген каласкаленыт.Мемнан воспитатель-влак жап дене иктӧр ошкылаш тыршат: современный методикым шымлат, у опыт-влакым кучылтыт. Тидыжым конкурсантке-влакын педагогика проектыштым аралымышт годым ужаш лие. Надежда Ахмедшина «День за днем играем – речь развиваем» шке проектше дене палыме ыштыш. Любовь Шурыгина «Волшебные перчатки» презентацийыштыже кинезиологический гимнастике да биоэнергопластике полшымо дене икшыве-влакын йылмыштым вияҥдаш лийме нерген каласкалыш. Надежда Якупова «Учимся играя» проектыштыже 3-4 ияш йочамытын сенсор йӧныштым вияҥден колташ лийме нерген каласкален. Виктория Пашкина «Эта удивительная соль» проектым ончыктен. Тудо кугырак группыш коштшо йоча-влак дене пашам ышта. Кузе икшыве-шамычын познавательный, мутланыме, интеллектуал куатыштым вияҥден колташ лийме нерген йоча журналистике полшымо дене Алена Вахитова каласкалыш. Шке пашаштыже модыш технологий-влакым кучылтмо нерген Татьяна Хатмуллина палыме ыштыш. Надежда Колотован проектше театр тӱнян юзо вийжылан пӧлеклалтын ыле.Кунам йоча кечывалым огеш мале мом ыштыман? Але тудо вес йоча-влакым пурыштеш? Але йочан вургемже лавырген да ача-ава тидын шотышто воспитательым титакла? Але ача-ава-влаклан икшывылан йочасадыш шере кочкыш ден пурмо резинкым пуэн ида колто манын кузерак умылтараш? Тыште кажне участнице тыгай ситуаций гыч кузе лекташ лийме нерген каласкалыш.Но эн оҥай, конешне, ончаш толшо-влаклан, жюриланат пытартыш заданий ыле. Тыште воспитатель-влак шкеныштын увлеченийышт нерген каласкаленыт, шке талантыштым почыныт. Нуно кидмастар улыт, пеледышым ончен-куштат, путешествоватлат, фитнес дене заниматлалтыт. Пашам пырля ыштыме йолташышт дене нуно муреныт, куштеныт. Надежда Ахмедшина ден Татьяна Хатмуллина буги-бугийым кушталтеныт, кажныжын куштымашын шке вариантше лийын, Надежда Якупова рушла кушталтен. Любовь Шурыгинан кажне йоча пайремыште йӧратыме рольжо – Баба Яга, сандене конкурсыштат тудо Бабка Ежка-влакын ансамбльышт дене выступатлен. Виктория Пашкинан музыкально-хореографий композицийже тӱняште тыныс илышым аралаш ӱжын. Алена Вахитова шке номержым кугезе коважлан да чыла тулык салтак вате-влаклан лӱмден. Надежда Колотова конкурс испытанийлаште сылне финал точкым шынден.Воспитатель-влак заочный тур заданий-влакымат сай шуктеныт да финалыштат шкеныштым ончыктеныт. Эрудиций, чарныде мом-гынат кычалмаш, современный технологий йӧн ден метод-влакым кучылтмаш, кажне йоча деке подходым муын моштымаш, пашам йӧратымаш – чыла тиде мемнан конкурсантке-влакым сеҥымашке шуаш йӧным ыштен.Номинацийлаште сеҥеныт:«Преданность профессии» – Краснохолмский селасе «Улыбка» йочасадын воспитательже Хатмуллина Татьяна Александровна; «Традиции и новаторство» – Кӧтерем селасе «Василек» йочасадын воспитательже Вахитова Алена Геннадиевна; «Молодость и талант» – Краснохолмский селасе «Петушок» йочасадын филиалжын воспитательже Пашкина Виктория Валентиновна; «Мастер своего дела» – Краснохолмский селасе «Теремок» йочасадын туныктышо-логопедше Шурыгина Любовь Евгеньевна; «Сердце отдаю детям» – Калтаса селасе «Солнышко» йочасадын воспитательже Ахмедшина Надежда Анатольевна; «За творческий подход к делу» – Калтаса селасе «Сказка» йочасадын воспитательже Якупова Надежда Радиславована.«Педагог дошкольного образования – 2020» район конкурсышто Калтаса селасе «Рябинушка» йочасадын воспитательже Колотова Надежда Анатольевна сеҥен. Тудо конкурсын республике этапыштыже мемнан районнан чапшым аралаш тӱҥалеш.Конкурс мучашке лишемын. Мемнан йочасадлаште, поро, мастар, шке пашаштым сай палыше да йоча-шамычым йӧратыше специалист-влак гына пашам ыштымыштым ме шке шинчана дене ужна.С. Аркадьева.

Йоча-шамыч – илышын пеледышыже манын ойлат, а воспитатель-влак, нунылан шинчымаш негызым пуышо-влак – тиде пеледышым ончен куштышо «садовник-влак» улыт. «Садовник» мыняр сай профессионал улеш, тудын пеледышыже-влак тунар сай кушкыт.
Кодшо арнян районысо Культура пӧртыштӧ воспитатель-влак погыненыт да профессийыште эн сай-влакым ойырен налыныт. Тений «Педагог дошкольного образования – 2020» конкурсышто 6 воспитатель да 1 туныктышо-логопед таҥасеныт: райрӱдысӧ йочасад-влакын чапыштым кум Надежда: Ахмедшина Надежда Анатольевна – «Солнышко» йочасад, Колотова Надежда Анатольевна – «Рябинушка» йочасад да Якупова Надежда Радиславовна – «Сказка» йочасад араленыт. Краснохолмский селасе йочасад-влакын чапыштым араленыт: Шурыгина Любовь Евгеньевна – «Теремок» йочасад, Хатмуллина Татьяна Александровна – «Улыбка» йочасад. Тыгак Шоръялысе «Ромашка» йочасад гыч Пашкина Виктория Валентиновна да Кӧтерем селасе «Василек» йочасад гыч Вахитова Алена Геннадьевна лийыныт.Кок заочный тур: шкеныштын интернет-ресурсым шонаш, самоанализ дене виш занятий-влак – нунылан ямдылалтмыштым, профессиональ мастарлыкыштым ончыктен. Районысо образований пӧлка вуйлатыше Э.Р. Гарипова деч поро тыланымашым налмеке, воспитатель-влакым финал испытаний вучен.
Икымше – йӱлашкак пурышо визитный карточка. Тыште видеофильм, фотослайд, сцене миниатюрым, мурым, почеламут-влакым кучылтын участнице-влак шкешт, пашашт нерген каласкаленыт.
Мемнан воспитатель-влак жап дене иктӧр ошкылаш тыршат: современный методикым шымлат, у опыт-влакым кучылтыт. Тидыжым конкурсантке-влакын педагогика проектыштым аралымышт годым ужаш лие. Надежда Ахмедшина «День за днем играем – речь развиваем» шке проектше дене палыме ыштыш. Любовь Шурыгина «Волшебные перчатки» презентацийыштыже кинезиологический гимнастике да биоэнергопластике полшымо дене икшыве-влакын йылмыштым вияҥдаш лийме нерген каласкалыш. Надежда Якупова «Учимся играя» проектыштыже 3-4 ияш йочамытын сенсор йӧныштым вияҥден колташ лийме нерген каласкален. Виктория Пашкина «Эта удивительная соль» проектым ончыктен. Тудо кугырак группыш коштшо йоча-влак дене пашам ышта. Кузе икшыве-шамычын познавательный, мутланыме, интеллектуал куатыштым вияҥден колташ лийме нерген йоча журналистике полшымо дене Алена Вахитова каласкалыш. Шке пашаштыже модыш технологий-влакым кучылтмо нерген Татьяна Хатмуллина палыме ыштыш. Надежда Колотован проектше театр тӱнян юзо вийжылан пӧлеклалтын ыле.
Кунам йоча кечывалым огеш мале мом ыштыман? Але тудо вес йоча-влакым пурыштеш? Але йочан вургемже лавырген да ача-ава тидын шотышто воспитательым титакла? Але ача-ава-влаклан икшывылан йочасадыш шере кочкыш ден пурмо резинкым пуэн ида колто манын кузерак умылтараш? Тыште кажне участнице тыгай ситуаций гыч кузе лекташ лийме нерген каласкалыш.
Но эн оҥай, конешне, ончаш толшо-влаклан, жюриланат пытартыш заданий ыле. Тыште воспитатель-влак шкеныштын увлеченийышт нерген каласкаленыт, шке талантыштым почыныт. Нуно кидмастар улыт, пеледышым ончен-куштат, путешествоватлат, фитнес дене заниматлалтыт. Пашам пырля ыштыме йолташышт дене нуно муреныт, куштеныт. Надежда Ахмедшина ден Татьяна Хатмуллина буги-бугийым кушталтеныт, кажныжын куштымашын шке вариантше лийын, Надежда Якупова рушла кушталтен. Любовь Шурыгинан кажне йоча пайремыште йӧратыме рольжо – Баба Яга, сандене конкурсыштат тудо Бабка Ежка-влакын ансамбльышт дене выступатлен. Виктория Пашкинан музыкально-хореографий композицийже тӱняште тыныс илышым аралаш ӱжын. Алена Вахитова шке номержым кугезе коважлан да чыла тулык салтак вате-влаклан лӱмден. Надежда Колотова конкурс испытанийлаште сылне финал точкым шынден.
Воспитатель-влак заочный тур заданий-влакымат сай шуктеныт да финалыштат шкеныштым ончыктеныт. Эрудиций, чарныде мом-гынат кычалмаш, современный технологий йӧн ден метод-влакым кучылтмаш, кажне йоча деке подходым муын моштымаш, пашам йӧратымаш – чыла тиде мемнан конкурсантке-влакым сеҥымашке шуаш йӧным ыштен.Номинацийлаште сеҥеныт:«Преданность профессии» – Краснохолмский селасе «Улыбка» йочасадын воспитательже Хатмуллина Татьяна Александровна; «Традиции и новаторство» – Кӧтерем селасе «Василек» йочасадын воспитательже Вахитова Алена Геннадиевна; «Молодость и талант» – Краснохолмский селасе «Петушок» йочасадын филиалжын воспитательже Пашкина Виктория Валентиновна; «Мастер своего дела» – Краснохолмский селасе «Теремок» йочасадын туныктышо-логопедше Шурыгина Любовь Евгеньевна; «Сердце отдаю детям» – Калтаса селасе «Солнышко» йочасадын воспитательже Ахмедшина Надежда Анатольевна; «За творческий подход к делу» – Калтаса селасе «Сказка» йочасадын воспитательже Якупова Надежда Радиславована.«Педагог дошкольного образования – 2020» район конкурсышто Калтаса селасе «Рябинушка» йочасадын воспитательже Колотова Надежда Анатольевна сеҥен. Тудо конкурсын республике этапыштыже мемнан районнан чапшым аралаш тӱҥалеш.Конкурс мучашке лишемын. Мемнан йочасадлаште, поро, мастар, шке пашаштым сай палыше да йоча-шамычым йӧратыше специалист-влак гына пашам ыштымыштым ме шке шинчана дене ужна.
С. Аркадьева.