Калык пале

Ты кечын еҥлан ыштыме поро паша сулыкым касара маныт. Мутлан, ожно Российыште парымлан кӧра шинчыше еҥ-влакым тюрьма гыч лукташ манын, оксам погеныт. Нужна еҥ-влак кайыкым кучышо-влак деч кайыкым налыныт да нуным эрыкыш колтеденыт.

Калык ой почеш, ты кечын Юмо деч чот шонымым йодаш лиеш. Пайрем эрдене ӱдыр Юмо деч качым йодеш гын, лишыл жапыште вашлиеш.

Кугече арнян икымше кечын муным шолтымо да ший вӱд дене мушкылтат гын, эре мотор кодат, а товар ӱмбак шогалат гын, пеҥгыде лият.

Мландыште шукш ынже пошо манын, Кугече деч варасе муно шӱмым мландыш кералме кок тояш пижыктен, тыге чеснок муно гай йыргешке кушкеш манын ӱшаненыт.

Кугече кечын шочшо йоча кугу кӱшытыш шуэш, а Кугече арнясе кеч-могай кечынже шочшо таза да пеҥгыде лиеш.

Почеш кутыраш тӱҥалше йочам, иктаҥашыже-влакым поктен шужо манын, Кугече кечын пу кӱвар мучко чарайолын коштыктеныт.