Икшыве-влак, «комендантский шагатыште» ида кошт

Башкортостаныште пашам ыштыше «комендантский шагатым» пудыртымылан 6 ача-авам административно мут кучаш шогалтыме.Чыланат сай палат, йӱдым икшыве-влак урем воктене коштшаш огытыл. Кызыт тиде закон почеш текшыралтеш. «Об основных гарантиях прав ребенка в Республике Башкортостан» закон почеш икшыве-влаклан уремыште лийме жапым ыштыме. Тидын годым, Башкортостан жапыштыже элыште ик регион лийын, кунам икшыве-влаклан «комендантский шагатым» палемдыме. Тӱҥалтыште ты нормо республике законодательствыште лийын, варажым – федеральныйыште. Закон почеш икшыве-влак ача-ава деч посна уремыште лийшаш огытыл. Шыже-теле жапыште 22.00 гыч 06.00 шагат марте. Ийготыш шудымо икшыве-влакын «комендатский шагат» правилым пудыртымылан ача-ава-влак административно мутым кучаш тӱҥалыт.Ты арнян ийготыш шудымо икшыве-влак дене пашам намийыше район комиссийын погынымаштыже «комендатский шагатым» пудыртымо шотышто административный материал-влакым лончыленыт. «Йолташем дене гулятленам, жап нерген монденам», «Клубыш репетицийыш мийышна да тушто изишак кучалтна», «Тудо жапыштыже толеш, тиде икымше гана лийын» – тыгай вашмут-влакым пуэныт икшыве-влак да нунын ача-авашт.«Комендантский шагатым» пудыртымылан администратино мутым кучаш тӱҥалыт: ты гана, икшыве-влаклан школ, еш гыч сай характеристикым пуымылан, комиссий шижтарен гына. Туге гынат, штраф лийын кертеш.Эше ик гана палемдена, «комендатский шагат» – тиде наказаний огыл, а ийготыш шудымо икшыве-влакым аралыме йӧн. Тудо икшыве-влак йӱдым туткарыш ынышт логал манын ышталтын.Вашке «комендатский шагат» кеҥеж жапыш кусна. Башкирийыште тудым кеҥеж жапыш кусарыме закон вийыш пура: 1 май гыч 30 сентябрь марте ийготыш шудымо икшыве-влаклан ача-ава деч посна 23.00 гыч 6.00 шагат марте коштман огыл. Ончыч 24 гыч 6 шагат марте лийын.Кызытеш йоча-влак 22.00 шагат марте гулятлен кертыт, а варажым – мӧҥгышкӧ.С. Аркадьева.