Пайдале ой-каҥаш

Помидорым кусарыме годым йыраҥыш тенийсе терысым але азотан ӱяҥдышым ида опто.

ӱяҥдышым йыраҥ мучко огыл, а лакыш опташ гын, сайрак. Ломыж ден известкым моло ӱяҥдыш дене варыман огыл.

Озым кадырген кушкын гын, келгырак лакым ыштыза да кушкылын кадыр ужышыжым мланде дене петырыза.

Кушкыл пеледышлыкым кусарыме деч ончыч луктын гын, тудым кораҥдыман. Тыге моло пеледыш виянрак лиеш.

Кусарен шындыме деч вара 10 кече эртымеке, озымым тояш кылдедылман да вӱдым сайын шавыман. Тыге сусыр вож вашкерак тӧрлана.

Фитофтор ваштареш

Кукшо да южан теплицыште помидор фитофтор дене ок черлане. Опытан сад-пакчазе-влак теплицыште эре кушо торфым кучат. Вӱдым шавымеке, помидор йыраҥыш кукшо торфым ешарат. Торф уке гын, теплицым южтарыман, йыраҥым пушкыдемдыман. Помидор шудым чер ынже авалте манын, 10 кече коден, шӧр растворым шавыман (10 литр вӱдлан 1 литр вишкыде шӧр да кок чӱчалтыш йод).