Тазалык

Япон шымлызе-влак сокын пайдалыкшым тудын тӱсшӧ дене кылдат. Нунын шонымаште йошкар тӱсан сок вӱрым писынрак коштыкташ полша, садлан тудым кид-йол кылмымылан вуйым шийше да вегетососудистый дистоний дене орланыше-влаклан йӱаш темлат. Тыгай сокым томат, черешня, йошкар вуян ковышта, йошкар пурыс да дыня гыч ыштат.

Сар тӱсан сок нерв да кочкышым шулыктарыше система-влаклан пайдале. Тыгай сокым ананас, лимон, сар грейфрут, олма, персик, банан, манго да кукуруз гыч «пунчал» луктыт.

Ужар шудо, мутлан, петрушко, пакчасаска, брюссельский ковышта да авокадо гыч «пунчал налме» ужар тӱсан сок вӱрым эрыкта, южо бактерийым пытара да нервым лыпландара.

Нугыдо сар тӱсан сок шӧн шупшмо годым чогашыл корштымым лыпландара. Тыгак напитке мокшланат моткч пайдале. Апельсин, кешыр, абрикос да кавун сокым нервым лыпландараш кӱлмӧ годым йӱаш келшен толеш.

Канде тӱсан сокым вуй коршытмо годым але шонен ыштышаш пашам тӱҥалме деч ончыч йӱаш темлалтеш. Тыгайлан модо, слива, виноград, сельдерей да пареҥге сок шотлалтыт.