А те паледа…

Стрессым луштараш манын, иктаж-кӧ дене мутланаш кӱлеш: я йолташ, я ача-ава дене. Тыгак аквариумысо кол але пырыс дене…

Чоным «нултышо» кумылым волтышо азап нерген лачшымак кӧлан кутырымо тӱҥжак огыл. Эн тӱҥжӧ – «кӧргыштӧ» погынышо тургыжланымашым тӱжваке лукман, ойлат психолог-влак. Тӱрлым кутырымо дене шкем лыпландарен, ӧпкелалтмылан, нелеш налмылан, сырен шыдешкымылан, лӱдыкшылан сеҥаш шӱм-чоным пуыман огыл. Вет лачшымак тыгай азап деч моштен кораҥын, вуйдорыкысо тургыжланымашлан, каньысырланымашлан, азапланымашлан вуйын шогышо ужаш писын ярса, кӱчык жапыште лыплана.