Кӱлеш лиеш

Вазыште пеледыш кужу жап шогыжо манын, вӱдыш аспириным (6 литрлан ик таблетке) ешараш лиеш.

Садпакчасе мландыште тӱрлӧ грибокым пытараш манын, пакча пашам тӱҥалме деч ончыч, мландыш аспирин вӱдым (1 литрлан кок таблетке) шавыман.

Кеҥежым вургемыште пӱжвӱд пале кодеш. Тудым пытараш манын, вургемым аспирин вӱдыштӧ кум шагат кучыман.

Йолтаганысе коваште пеҥгыдемын гын, тыге ыштыза: аспирин порошокыш изиш лимон сокым ешарыза, пастым коваштыш йыгыза, шокшышто кучыза. 5-10 минут гыч пемзе дене йыген налза, шокшо вӱдыштӧ шовын дене йолтаганым шӱялтыза.