Калтаса ужара
+17 °С
Пылан
Все новости
Новости
27 Ӱярня 2020, 23:00

Калтаса селаште теле спорт сезон район администраций вуйлатышын призшылан ече дене таҥасымаш дене мучашлалте

Поро йӱла почеш теле сезоным марафон дене мучашлаш палемдалтын ыле

Поро йӱла почеш теле сезоным марафон дене мучашлаш палемдалтын ыле. Тыште пӧръеҥ-влак 30 километрыш куржшаш ыльыч, а ӱдырамаш-влак – 20 км. Но шонымо семын миен ыш лек. Коронавирус эпидемий тӱняште шуко пудыранчыкым пуртыш.
– Республике вуйлатышын 250 еҥ деч шукырак культурно-массовый да спорт мероприятийым эртараш огыл, пунчалже уло, тыгак спорт да туризм министерствын эпидемийлан ямде лийме условийыште пашам организоватлыме шотышто темлымашым налме, – ойла район спорткомитетын вуйлатышыже Вячеслав Кугубаев. – Сандене мыланна теле спорт сезоным петырыме мероприятийын йӱлаж деч отказатлалташ перныш. Тыгак нимом эртарыде ок лий, самырык спортсмен-влак район администраций вуйлатышын призшым вучат, тыгак спорт ветеранже-влакат кумыл шуын участвоватлат. Сандене изи дистанцийлашке куржаш лийна. Уна-влакым ты гана ышна уж, Нефтекамск ола гыч ече дене таҥасаш йӧратыше-влакым кӱштенна ыле.
Таҥасымаш Калтаса ДЮСШ-ын ече трассыштыже эртен, спортсмен-влак шке ийгот тӱшкаштышт 1, 2, 3, 4, да 5 километрыш куржыныт. 2012 ийыште шочшо эн изи тӱшкаште эрге-влак коклаште Кугубаев Матвей, Кӧкыш ял гыч икымше верым налын, кокымшо – Минликаев Виталий, кумшо – Ахметдинов Александр. Нуно коктынат Калтаса села гыч улыт.
Ю.Шамсутдинов.