Кӧтеремыште пожар лийын

Кӧтерем ялысе Пионерский уремыште посна сурт озанлыкыште эртыше шуматкечын пожар лийын – монча ден вича йӱленыт. Тул лекме амал – монча коҥгасе шикш кайыме пучым чын огыл ыштыме але тудын тӱз огыл улмыжо. Тыгак 5х5 кугытан вича тичмаш йӱлен да 5х3 кугытан монча локтылалтын.

Колышо ден эмганыше-влак уке. Пожар деч эҥгек – 100 тӱжем теҥге. Вича ден мончам оза страховатлен улмаш.