Ыштен ончыза!

Кӱлыт: 2-3 пареҥге, 3 шт. плавленный сыр, коптитлыме 1 чыве окорок, 1 кешыр, кушкыл ӱй, шӧнчал.

Тыге ямдылыман:

1.Пареҥгым эрыктена, кубик семын пӱчкедена да шолтена. 2. Кешырым кугу рожан терко гоч колтена да кубик семын тыгыдемдыме шоган дене пырля жаритлена. 3. Шылым ужашлан пӱчкедена, сырым терко гоч колтена. 4. Ынде шылым, сырым, жаритлыме кешыр ден шоганым пареҥгыш пыштена да, сыр шулымешке, тӱл ӱмбалне икмыняр минут кучена. Тиде шӱрым батон але вес кинде гыч гренкым ыштен, тыгак сукарам пыштен кочкаш темлалтеш.