Карантиным текшырыдымылан наказатлат

Кугыжаныш Дума санитарно-эпидемиологический правилым пудыртымылан пеҥгыдын наказатлаш тӱҥалеш.Кугыжаныш Думын депутатше-влак санитарно-эпидемиологический правилым пудыртымылан да карантин мерым текшырыдымылан штрафым кугемдыме шотышто тºрлатымашым пуртеныт. Тыгак ты осал пашам ыштымылан уголовно мут кучаш тӱҥалыт.Территорийыште ямде лийме режимым пуртымо дене правилым шуктыдымылан, пашам ыштыше санитар правилым пудыртымылан 1 миллион теҥге марте административный штрафым палемден кертыт, тыгак правилым пудыртымо дене айдеме колен гын, 5 ий марте эрык деч посна коден кертыт, а тиде пудыртымаш дене кок да утларак еҥ кола гын – 7 ий марте эрык деч посна.Кугыжаныш Думын кугыжаныш чоҥымаш да законодательстве шотышто комитет вуйлатышын алмаштышыже, «Деловая Россия» БРО сопредседатель Рафаэль Марданшин палемден, ты мера-влак эн ончыч граждан-влакын тазалыкыштым аралаш да черын шарлымыжым чараш полшат, чыла гражданым санитарно-эпидемиологический правилым, палемдыме йодмаш ден чаракым шуктен толаш йодын. Нуно мемнам, шкенан лишыл шочшына-влакым аралаш, коронавирус инфекцийын шарлымыже ваштареш кучедалаш полшат.