Калтаса ужара
+18 °С
Пылан
Все новости
Новости
6 Апрель 2020, 15:15

100 тӱжем теҥге штраф

Банк счет гыч оксам шолыштмылан, суд 100 тӱжем теҥге штрафым тӱлаш приговорым луктын

Краснокам межрайонный суд Калтаса села гыч 28 ияш гражданинлан приговорым луктын.
Тудо РФ УК-ын 158-ше статьяжын 3-шо ужашыжын «г» пунктшо (банк счет гыч оксам шолыштмо дене эҥгекым кондымаш) почеш, титаканлан шотлалтын.
Судышто палемдыме, 2019 ий ноябрьыште эрдене эр Краснохолмский села гыч 59 ияш пӧръеҥ, ийготшылан кӧра кызытсе телефон дене пеш пайдаланен моштен огыл, палыме еҥжым мобиль телефоныш «Сбербанк Онлайн» приложенийым вераҥдаш йодын. Тудын гоч Уфа олаште илыше ӱдыржылан оксам колтынеже лийын.
Самырык еҥ саде пӧръеҥын телефонжым да банковский картым налын мобиль приложенийым вераҥдаш тӱҥалын да тудын банковский счетыштыжо шуко окса улмым ужын да шолышташ лийын.
Тудо приложений гоч тудын счетшо гыч пырля илыме ӱдыржын счетышкыжо 40 тӱжем теҥге оксам кусарен да шке кӱлешлыкшылан тудым кучылтын пытарен.
Судышто шке титакшым признатлен да шолыштмаш деч эҥгекым суд деч ончыч пуэн.
Ончыч судитлалтын огыл улмыжым да эҥгекым пӧртылмыжым шотыш налын суд тудлан 100 тӱжем теҥге штрафым тӱлаш наказанийым луктын.
Приговор закон почеш вийыш пурен.
И. Ахметов, район прокурор.